GED အမှတ်ပေးစနစ်ကို သိပြီးမှ ဖြေသင့်တာ ဘာကြောင့်လဲ?

GED အမှတ်ပေးစနစ် ဘယ်လိုလဲ

GED မှာ ဘာသာရပ်တစ်ခုချင်းစီကို အမှတ် ၁၀၀ ကနေ ၂၀၀ အတွင်း သတ်မှတ်ပြီး အမှတ်ပေးပါတယ်။ ဘာသာရပ်တစ်ခုချင်းစီမှာ အနည်းဆုံး ၁၄၅ မှတ် ရရှိမှသာ အောင်မြင်တယ်လို့ သတ်မှတ်ပါတယ်။

ရရှိတဲ့ အမှတ်အပေါ်မူတည်ပြီး အဆင့် ၃ ဆင့် ထပ်ကွဲပါသေးတယ်။

အဆင့် ၃ ဆင့်က ဘာတွေလဲ

• ၁၄၅ ကနေ ၁၆၄ မှတ် - ပုံမှန် Pass အဆင့်ပါ။ အထက်တန်းအောင်လက်မှတ်အဖြစ် အသိအမှတ်ပြုခံရပါတယ်။
• ၁၆၅ ကနေ ၁၇၄ မှတ် - GED College Ready အဆင့်ပါ။ တက္ကသိုလ်တက်ဖို့ လုံလောက်တဲ့ အရည်အချင်းရှိတယ်လို့ သတ်မှတ်ပြီး နိုင်ငံခြားတက္ကသိုလ်အချို့မှာ အခြေခံပြန်တက်ရတဲ့အတန်းတွေ ကင်းလွတ်ခွင့်ရတတ်ပါတယ်။
• ၁၇၅ ကနေ ၂၀၀ မှတ် - GED College Ready + Credit အဆင့်ပါ။ တက္ကသိုလ်အချို့မှာ ပထမနှစ်ဘာသာရပ်တချို့ကို College Credit အဖြစ် အသိအမှတ်ပြုပေးတာကြောင့် အချိန်နဲ့ ကုန်ကျစရိတ် သက်သာစေနိုင်ပါတယ်။

တက္ကသိုလ်တွေက ဘယ်အမှတ်ကို ပိုသဘောကျလဲ

၁၆၅ မှတ်နဲ့အထက် ရထားတဲ့သူတွေက ပိုအခွင့်အလမ်းကောင်းတတ်ပါတယ်။ အထူးသဖြင့် ၁၇၅ မှတ်နဲ့အထက် ရထားရင် အချို့တက္ကသိုလ်တွေမှာ ထပ်ဆောင်းအကျိုးကျေးဇူးတွေပါ ရနိုင်ပါတယ်။

ဒါကြောင့် GED ဖြေတဲ့အခါ အောင်ရုံတင်မကဘဲ အမှတ်ကောင်းကောင်းရအောင် ကြိုးစားရင် ပညာရေးအခွင့်အလမ်းတွေ ပိုကျယ်ပြန့်လာမှာ ဖြစ်ပါတယ်။

တခြားသိချင်တာတွေရှိရင် GED Guide by La Yaung Hub ရဲ့ နောက် Post တွေမှာ တစ်ဆင့်ချင်း ရှင်းပြပေးသွားပါမယ်။